چوقۇم بىلىۋېلىشىڭىز كېرەك بولغان ئون خىل كومپيۇتېر تېز بۇيرۇق كۇنۇپكىلى... - TASAWUR教育平台

ئەمەلىيەتتە كومپيۇتېردىكى نۇرغۇن زېرىكىشلىك مەشغۇلاتلارنى پەقەت بىر قانچە كۇنۇپكىنى بېسىش ئارقىلىقلا ئەمەلگە ئاشۇرغىلى بولىدۇ. ئەگەر بىز بۇ تېزلەتمە كۇنۇپكىلىرىنى ئىشلىتىشنى بىلمىسەك، بەزى ۋاقىتلاردا خىزمەت ئۈنۈمىگىمۇ زور تەسىر كۆرسىتىدۇ ھەمدە ۋاقتىمىزمۇ ئىسراپ بولۇپ كېتىدۇ، بۈگۈن مەن سىلەرگە كومپيۇتېر ئىشلىتىشتە چوقۇم لازىم بولىدىغان ئون خىل تېزلەتمە كۇنۇپكىنى ئىشلىتىش ئۇسۇلىنى ئېلىپ كەلدىم.

مەيلى تورخانىدا ياكى ئىشخانىدا بولۇڭ، بەزىدە كومپيۇتېرىڭىزدىن ئايرىلىپ باشقا ئىشلارنى قىلىشىڭىزغا توغرا كېلىپ قالىدۇ، بۇنداق ۋاقىتتا ھەم باشقىلارنىڭ كومپيۇتېرىڭىزنى ئاختۇرىشىنى خالىمايسىز. سىز بۇ ۋاقىتتا Win كۇنۇپكىسىنى بېسىپ تۇرۇپ L كۇنۇپكىسىنى باسسىڭىزلا كومپيۇتېر ئېكرانى بىۋاسىتە قۇلۇپلىنىدۇ.

بەزىدە ئۈستەل يۈزىدە نۇرغۇن سىن بەلگىلەر بار بولسا، «بۇ كومپيۇتېر»(此电脑) ياكى «كومپيۇتېر»(计算机)نى تېپىش تەس، ھەتتا بەزى ئىشلەتكۈچىلەرنىڭ ئۈستەل يۈزىدە «كومپيۇتېر» ياكى «بۇ كومپيۇتېر» سىن بەلگىسى يوق. بۇ ۋاقىتتا بىز كۇنۇپكا تاختىسىدىكى win كۇنۇپكىسىنى بېسىپ تۇرۇپ، ئاندىن E كۇنۇپكىسىنى بېسىپ «كومپيۇتېر» ياكى «بۇ كومپيۇتېر» مەنبە باشقۇرغۇچىسىنى بىۋاسىتە ئاچالايمىز.

بەزىدە كومپيۇتېرىمىز قېتىپ قالغاندا ياكى نۇرغۇن نەرسىلەرنى ئېچىپ ھەمدە ئۈستەل يۈزىگە قايتماقچى بولساق، بىز پەقەت كۇنۇپكا تاختىسىدىكى Win كۇنۇپكىسىنى بېسىپ تۇرۇپ ئاندىن D كۇنۇپكىسىنى باسساق كومپيۇتېر ئۈستەل يۈزىنى بىۋاسىتە كۆرسىتىپ بېرىدۇ.

ھاياتلىقتا پۇشايمان دورىسى يوق، ئەمما كومپيۇتېر ئوخشىمايدۇ، كومپيۇتېر مەشغۇلاتىدا بىر قېتىم «پۇشايمان» قىلىشقا بولىدۇ. بىز پەقەت كۇنۇپكا تاختىسىدىكى Ctrl كۇنۇپكىسىنى بېسىپ تۇرۇپ ئاندىن Z كۇنۇپكىسىنى باسساق، بىزنىڭ ئالدىنقى بىر قەدەمدىكى مەشغۇلاتنى بىكار قىلىشىمىزغا ياردەم بېرەلەيدۇ. بۇ تېزلەتمە كۇنۇپكىنى نۇرغۇن پىروگراممىلاردا ئىشلىتىشكە بولىدۇ.

F5 بولسا يېڭىلاش كۇنۇپكىسى بولۇپ، تور كۆرگۈچ ياكى مەنبە باشقۇرغۇچتا يېڭى مەزمۇن كۆپەيگەندە F5 كۇنۇپكىسىنى بېسىپ يېڭىلىساق بولىدۇ (شۇ كۆزنەكنى قايتا ئاچقانغا باراۋەر)، بۇ ئىنتايىن كۆپ ئىشلىتىلىدىغان تېزلەتمە كۇنۇپكا ھېسابلىنىدۇ.

بۇ كۇنۇپكا بولسا ۋىندوۋس سېستىمىسىدىكى بۇرۇندىن بار تېزلەتمە كۇنۇپكا بولۇپ، windows xp سىستېمىسىدىن windows 10 سېستىمىسىغىچە ھەممىسىدە بۇ تېزلەتمە كۇنۇپكا ئىقتىدارى بار. بىز كۇنۇپكا تاختىسىدىكى Win كۇنۇپكىسىنى بېسىپ تۇرۇپ ئاندىن R كۇنۇپكىسىنى باسساق، ئىجرا قىلىش (运行) كۆزنىكىنى ئاچالايمىز، بىز مەلۇم بۇيرۇقنى كىرگۈزگەندىن كېيىن Enter نى باسساق بۇيرۇق دەرھال ئىجرا قىلىنىدۇ ۋە ئىجرا قىلىش كۆزنىكى تاقىلىدۇ.

ئەگەر ئېكراندىكى تېكىستنى ئېنىق كۆرەلمىسەك، ئۇنداقتا چوقۇم چوڭاتقۇچ لازىم بولىدۇ. بىز كۇنۇپكا تاختىسىدىكى Win كۇنۇپكىسىنى بېسىپ تۇرۇپ ئاندىن + كۇنۇپكىسىنى باسساق، مەيلى توركۆرگۈچ ياكى ئىشخانا ھۆججەتلىرى بولسۇن، كۆرۈنۈۋاتقان ئېكراننى چوڭايتالايدۇ، ئەگەر + كۇنۇپكىسىنىڭ ئورنىغا - نى باسساق ئۇ ھالسا كۆرۈنىۋاتقان ئېكراننى كىچىكلەتكىلى بولىدۇ. ئۇنىڭدىن باشقا CTRL كۇنۇپكىسىنى بېسىپ تۇرۇپ كۇنۇپكا تاختىسىدىكى + - كۇنۇپكىسىنى ياكى مائۇسنى ئىشلەتسىڭىزمۇ بولىدۇ.

بۇ تېزلەتمە كۇنۇپكا ئەمەلىيەتتە Alt+Tab كۇنۇپكىسى بىلەن ئوخشىشىپ كېتىدۇ. ئەمما بۇ تېزلەتمە كۇنۇپكىنى ئىشلەتكەندە خىزمەت ئۈنۈمىنىمۇ يۇقىرى كۆتۈرگىلى بولىدۇ، چۈنكى بۇ تېزلەتمە كۇنۇپكىدىن پايدىلىنىپ ۋەزىپە كۆزنىكىنى ئالماشتۇرغاندا، ھەر بىر كۆزنەكتە نېمە چىقىۋاتقانلىقىنى ئېنىق كۆرگىلى بولىدۇ. بىز كۇنۇپكا تاختىسىدىكى Win كۇنۇپكىسىنى بېسىپ تۇرۇپ ئاندىن Tab كۇنۇپكىسىنى باسساقلا بولىدۇ.

ئاۋال Win + Rنى بېسىپ، ئىجرا قىلىش كۆزنىكىنى قوزغاتقاندىن كېيىن psr.exeنى كىرگۈزۈپ enter كۇنۇپكىسىنى چەكسەك، Windows سېستىمىسىنىڭ ئۆزىدە بار بولغان سىن خاتىرىلەش ئىقتىدارىنى ئاچالايمىز. سىنغا ئېلىپ بولغاندىن كېيىن، ساقلاش دىيالوگ رامكىسى چىقىدۇ، بۇ يەردە سىنغا ئېلىنىپ بولغان ھۆججىتىنى پىرىسلانغان ھۆججەت قىلىپ ساقلىيالايمىز. پىرىسلانغان ھۆججەتنى يېشىپ بولغاندىن كېيىن، سىن ھۆججىتنىڭ سىن ھۆججىتى تىپىدىكى ھۆججەت بولماستىن، بەلكى MHTML دوكلات ھۆججىتى ئىكەنلىكىنى كۆرىمىز. ھۆججەتنى ئاچساق، بىز ھەر بىر مەشغۇلاتىمىزنىڭ ھەر بىر قەدىمىنىڭ ئېكران سۈرىتىنى تارتقانلىقىمىزنى، مائۇسنىڭ چېكىلگەن رايونىنى پەرقلىق قىلىپ كۆرسىتىپ بېرىدىغانلىقىنى كۆرەلەيمىز.

بۇ ئىككى كۇنۇپكىنى بېسىش ئارقىلىق يۇيىۋەتكەن ھۆججەتنى ئەسلىگە ئەكەلگىلى بولمايدۇ (ئەسلىگە كەلتۈرۈش دېتاللىرىدىن باشقا) ھەمدە يىغىۋېلىش ساندۇقى (回收站) دىمۇ ساقلانمايدۇ.